Рускиот патнички авион, кој утрово полетал од летувалиштето Шарм ел Шеик за Санкт Петербург, се урна во централен Синај, потврди Канцеларијата на египетскиот премиер.

Формиран е кризен одбор кој ќе се занимава со несреќата.

Шефот на Управата за воздухопловни несреќи во Египет Ајман ал Мукадам претходно соопшти дека авионот исчезнал, но дека сигурно го напуштил египетскиот воздушен простори и имал контакт со турска контрола на летање.

- На руската авиокомпанија и рековме дека го изгубивме контактот со авионот, но дека тој сигурно контактирал со турска контрола на летање и сега минува низ турски воздушен простор-рекол Мукадам.

Авионот , со кој е изгубена радарска контрола превезувал 224 патници и члена на екипажот, а радарскиот контакт е изгубен во воздушниот простор на Кипар, пренесува РИА , од руски воздухопловни извор.

Се работи за авионот ербас А-321 на руската воздухопловна компанија „Когалимавија“.