По вчерашните немири во Подгорица, утрово црногорската полиција со тешка механизација го урна кампот на опозицијата. Отстранета е бината, говорницата и шаторите од булеварот пред парламентот.

Како што јавуваат црногорските медиуми, уапсени се и околу 15 лица.

Меѓу нив повеќето се пратеници, додека Милан Кнежевиќ, еден од челниците на Демократскиот фронт, завршил во болница

Опозицискиот Демократски фронт  речиси три седмици протестираше во центарот на Подгорица, барајќи оставка на владата и на премиерот Мило Ѓукановиќ и формирање преодна влада која што би подготвила фер и чесни избори.

Ситуацијата ескалираше вчера, кога во центарот на Подгорица дојде до судир меѓу полицијата и демонстрантите на Демократски фронт.