Сириската војска пронашле масовна гробница, во која се погребани најмалку 40 тела, во древниот град Палмира кој неодамна е ослободен од џихадистите.

Во првата акција се извлечени 25 тела жртви на џихадистите, а како што е продолжен процесот на ексхумација пронајдени се уште 15 убиени деца и жени.

Според првите проценки, повеќето жртви се убиени на тој начин што им се отсечени главите, додека одреден број биле мачени до смрт.

Војската продолжува со пребарување на места на кои се пронајдени телата, во страв дека бројот на жртви може да биде далеку поголем.

За тоа време екипи на руски специјалци и понатаму трагаат за мини и експлозивни направи кои останале зад џихадистите.

„Најмалку 3000 експлозивни направи се оставени во градот. Џихадистите ги поврзале речиси со невидлива мрежа, под урнати патишта и тие би можеле да го разнесат целиот град доколку би биле детонирани“, рекол неименуван експерт.