Повеќе од 60 луѓе загинаа во поплавите во јужна Индија. 

Илјадници луѓе се раселени по поројните дождови што зафатија три сојузни држави.  Андра Прадеш, Карнатака и Тамил Наду се борат со поплави. 

Над 30 луѓе загинаа во несреќи поврзани со дождот во Андра Прадеш, а исто толку се водат како исчезнати. Многу села се отсечени од автопатиштата, а тимовите за управување со катастрофи доставуваа храна и вода со чамци и хеликоптери. Во  Карнатака загинаа дваесетина луѓе, а уништени се повеќе од 500.000 хектари посеви. Девет луѓе, меѓу кои четири деца загинаа при уривање на куќа во областа Велоре во Тамил Наду. Летово во западна Индија, имаше поплави и свлечишта кои однесоа жртви. Во 2019 и 2018 година исто така имаше катастрофални поплави.