Поголема група на демонстранти ја гаѓала со јајца и камења зградата на турската амбасада во Москва ден откако Турција собори руски авион на сириско-турската граница.

Прозорите и ѕидовите на турската амбасада се оштетени по протестот.

Полицијата уапсила неколку демонстранти и го расчистува местото околу амбасадата, а демонстрантите во текот на попладнето си заминале.

Протест беше одржан и синоќа пред амбасадата на Турција во Москва, на кој се собрале повеќе од 600 луѓе, а како што пренесе дописник на „ТАСС“, демонстрантите носеле транспаренти на кои пишувало „Нож забоден во грб“ и „Не одиме во Турција“.

Некои учесници на протестот извикувале грди зборови за претседателот Реџеп Таип Ердоган, а на еден од плакатите пишувало: „Турција, ќе остане без глас“.