Во Лондон денес со свечена воена парада „Поздрав на знамето“ е одбележана официјалната прослава на 90-тиот роденден на британската кралица Елизабета Втора чија комбинација предизвика големо внимание. На парадата во британската престолнина имало повеќе од 1600 војници и 300 коњи , а кралицата им се придружи на останатите членови на семејството на балконот на Бакингамската палата откаде го набљудуваа военото дефиле. Меѓутоа, облеката на кралицата и нејзината комбинација на шешир во светла зелена нијанса им падна на многумина за око. АП пренесува дека некои луѓе на Твитер ја споредиле бојата на кралскиот комплет со ликот на жабата Кермит од познатата емисија Мапет шоу. Кралицата обично за јавно појавување носи светли, но загасити бои. Бакингамската палата соопштила дека нејзиниот „живописен“ зелен капут е дело на дизајнерот Стјуарт Парвин, додека шеширот го креирала Рејчел Трвор, пренесе Би-Би-Си. Честитки за кралицата упати и рускиот претседател Владимир Путин, кој како што објавил Кремљ, констатирал дека е помеѓу две земји богата историја и дека е уверен во понатамошен развој на конструктивна соработка.