Седум лица се уапсени во Унгарија поради сомнение дека се вмешани во смртта на 71 бегалец во камион со ладилник на австрискиот авто пат. Апсењето е извршено во соработка со австриската полиција, додека според пишувањетонна „Кронен цајтубг“ , водачот на криумчарската банда избегал во Романија.

Меѓу настраданите се и четири деца-три дечиња на возраст од 3,8 и 10 години и едно и пол годишно девојченце.

Според резултатите на истрагата, ладилникот од 7,5 тони во рани утрински часови во средата тргнал од Будимпешта, а околу девет часот пред пладне бил на унгарско-австриската граница, која ја преминале дури во текот на ноќта. Во четвртокот наутро, помеѓу пет и шест часот, камионот е оставен на лентата за запирање на автопатот А4 кај австриското место Парндорф.

Во камионот, кој криумчарите го употребувале за префрлување на илегалци, кој е контролиран после подолго стоење во лентата за запирање кај автопатот во близина на местото Парндорф, се пронајдени 71 тело. Камионот во четвртокот е оставен на лентата на автопатот А4.

Службениците од компанијата „Асфинг“ кои работат на одржување на патиштата, пријавиле во полиција дека едно возило подолго време стои на лентата за запирање на автопатот, па чуварите на редот тргнале во контрола. При отварање на камионот откриени се голем број на човечки тела на бегалци кои се задушиле во текот на возењето. Траговите на внатрешноста на камионот покажуваат дека жртвите се обидувале да ја отворат вратата, но дека не успеале.

Така во кабината на страната на совозачот, е пронајдена пукнатина, која бегалците ја направиле во обид да се извлечат од камионот. Камионт бил во сопственост на еден словачки преработувач на месо, чиј сопственик е чешки министер за финансии и фицепремиер Андреј Бабиш, инаку по националност Словак, но, според достапните податоци, еден Романец легално го откупил и пријавил во Унгарија, во градот Кечкмет, па имал унгарски таблици.

Министерството за внатрешни работи порачал дека нема да трага само за криумчарот, туку и за лицата кои стојат позади него, бидејќи се претпоставува дека се работи за организирана банда на криумчари, чии шефови се наоѓаат во Романија. Во Австрија, како и ширум Европам оваа трагедија ја потресе јавноста, а поедини политичари говореле дури и за масовното убиство, и побарано да се зголеми борбата против трговците со луѓе.