Ден откако терористите на Исламската држава во познатото летувалиште Сус, 50 км од престолнината на Тунис убија 39 лица, некои плажи пред хотелот се речиси пусти. Додека на други ,туристите се сончаат и капат како ништо да не било.

На плажите може да се видат свеќи и ружи со пораки за настраданите, како и засилени полициски сили. Местото на кое било пукано е оградено со полициска лента.

Голем број туристи од различни европски земји се упатиле кон аеродромот во Хамамет како би го прекинале летувањето и се вратиле дома , во страв од нови напади.

Сепак, поедини туристи не одлучиле да го прекинат одморот , така што на плажите во Сус уште може да се видат капачи.

Да потсетиме, на одмор во Сус синоќа отпатувале 67 туристи од Србија, и покрај страшниот терористички напад кој во петокот се одигра на плажата пред хотелот Империал Мархаба. Сепак, речиси половина од патниците од Србија се откажале од патувањето, бидејќи со синоќешнот лет од аеродромот Никола Тесла во Белград било планира да отпатуваат 130 лица во ова летувалиште.

Во Тунис во моментот на нападот имало неколку стотици српски државјани, а потврдено е дека никој од нив не е меѓу жртвите.

Владата на Република Србија донела одлука во Тунис во сабота или недела да испрати авион за евакуација на српските туристи.

Во терористичкиот напад, според уште неофицијални информации три наоружани припадници на ИС пукале во луѓе на плажата во Сус. Убиени се 39 лица, еден напаѓач исто така го изгубил животот, друг е уапсен, а според неофицијални информации, трет се наоѓа во бегство.

Исламската држава ја презеде одговорноста за овој напад.