Три лица се повредени сериозно, а еден е со полесни повреди  во напад на едно лице во воз во јужна Германија пред полицијата да го убие напаѓачот. Полицијата соопшти дека станува збор за 17 годишен Авганистанец кој со секира и нож ги нападнал патниците на еден регионален воз во Баварија. Се испитуваат мотивите за нападот. Момчето пристигнало во Германија со неговите родители и било сместено во еден бегалски дом. Во собата на момчето пронајдено е знаме на „Исламска држава“, кое самиот го нацртал. Тој извикувал „Аллаху акбар“ за време на нападот. Според портпаролот на Министерството за внатрешни работи во Баварија нападот е исламистички.