Во антитерористичката операција која е во тек во Аржантеј во Париз се приведени дваесетина лица, објави весникот „Паризиен“.

Овие интервенции не се поврзани со нападот во Ница. Операциите имаа за цел проверка на информациите дојдени од анонимни извори за подготовка на насилнички план, изјави полициски извор. Првата акција и претреси беа на авенијата Парк во населба Вал Нотр Дам, а втората интервенција се одвива во квартот Вал Суд, на авенијата Морис Утрило.

„Не се пронајдени ниту експлозиви, ниту оружје“ - рече пратеникот од овој град од редовите на социјалистите, Филип Дусе.

Францускиот парламент-Сенатот и Националното собрание денеска ја продолжија вонредната состојба во Франција на уште шест месеци, односно до почетокот на 2017 година.