САД понудија награда од пет милиони долари за информација која би ги довела до лоцирање или индентификација на лидерот на „Исламска држава“ Абу Мухамад ал Шимали.

Стејт департментот соопшти дека Ал Шимали им овозможувал патување на потенцијалните борци за ИСИС од Австралија, Европа и Блискиот исток до Турција и Сирија.

Во меѓувреме терористичката организација „Исламска држава“ соопштила дека рускиот авион над Синај на 31 октомври го урнала со импровизирана бомба, направена од конзерва на газираниот сок Швепс голд. Фотографиите од импровизираната бомба, на кои се гледа детонатор и прекинувач, овие исламисти ја организирале и ја објавиле во својт весник „Дабик“.