Кинескиот претседател  Си Џинпинг ја предводи листата на магазинот Форбс на највлијателните луѓе во светот. Има вкупно 75 луѓе кои го презентираат текот на светските настани.

За првпат Џинпинг е во првите редови, а причината за ова е што тој значително го прошири своето влијание и авторитет од последниот партиски конгрес во неговата земја.

Втор е неговиот руски колега, Владимир Путин. Оваа година тој е реизбран по четврти пат, освојувајќи 77 отсто од гласовите.

Трет е американскиот претседател Доналд Трамп. За него, сепак, Форбс забележува дека има "ограничен успех" во Конгресот, и дека околу неговиот личен живот постојат голем број скандали.

По него е канцеларката на Германија Ангела Меркел, а петото место му припадна на најбогатиот човек во светот - извршен директор на Амазон, Џеф Безос.

Папата Френсис е рангиран на шесто место, проследен од основачот на Мајкрософт, Бил Гејтс.

Листата Топ 10 највлијателни луѓе ја надополнуваат саудискиот принц Мохамед бин Салман, индискиот премиер Нарендра Моди и коосновачот на Гугл Лари Пејџ.