Германскиот автопроизведувач Фолксваген соопшти дека во САД ќе повлече 680 000 возила поради проблеми со воздушните перничиња. Фолксваген наведува дека ја известил американската Национална агенција за безбедност на сообраќај  (NHTSA) за одлуката која се однесува на моделите на возилата произведени од 2006 до 2014 година, како и дека планира да ги извести сопствениците на сите возила кои се погодени од овој проблем. Повеќе милион возила на разни произведувачи се повлечени минатата година ширум светот поради неисправните воздушни перничиња на јапонската компанија Таката.