Уред за манипулирање на еколошките перформанси не е ставен во други дизел мотори на концернот, се вели во официјалното соопштение на Volkswagen AG.

Претходно оваа недела се појавија тврдења дека манипулирачки софтвер е користен и во моторите EA288, од кои има верзии Евро5 и Евро6.

Концернот првично одби коментар, се оправдаа со моменталната истрага. Денес сепак германската компанија официјално ги негираше шпекулациите. И истакна дека продаваните во моментов TDI мотори целосно ги исполнуваат нормите во ЕУ.

Што се однесува до другиот дизел агрегат, при кој беше откриен уред за манипулирање на штетните емисии, тој ќе биде поправен  од германскиот концерн. Сервисната акција ќе започне во почетокот на 2016 година, која засега 8 милиони автомобили во Европа, опремени со моторите 1,2 TDI, 1,6 TDI или 2,0 TDI, сите од семејството EA189 (Евро5).

Беше официјално соопштено дека при 1,6-литарски мотор ќе се наметнат и механички оптимизации, додека поголемиот 2,0 TDI ќе биде подложен само на софтверска надградба. Таквите агрегати се ставени на модели на Volkswagen, Audi, Skoda, SEAT и Volkswagen Commercial Vehicles.

Volkswagen веќе објави дека предвидените 6,5 милијарди евра за справувањето со проблемот  нема да бидат доволни. Според аналитичарите износот може да се покачи до 78 милијарди.