Меѓународната агенција за рејтинг Fitch соопшти дека ја намалила оценката за италијанскиот државен долг за еден степен до "BBB +" од "A-". Агенцијата истакна дека ја променила перспективата на долгот на негативна а оваа одлука ја брани со "неубедливите резултати на парламентарните избори од 24-25 февруари". "Малку е веројатно да се формира нова, стабилна влада во следните неколку недели", аргументира агенцијата. Според Fitch рецесијата на Апенините е "една од најтешките во Европа" и предупреди дека "зголемената политичка несигурност и неповолната ситуација за нови структурни реформи се дополнителен несакан шок за економијата". Според прогнозите на агенцијата италијанскиот јавен долг - еден од најголемите во еврозоната ќе го дистигне таванот оваа година - 130% од БДП, што е полошо од планираните 125%. Се претпоставува дека економијата на земјата ќе се намали за 1.8 % во 2013 година, по падот од 2,4% во 2012 година.