Претседателот на САД, Барак Обама, синоќа ја предложи Џенет Јелен за нов раководител на Управата на федералните резерви (ФЕД). Обама нагласи дека таа е докажан лидер, кој знае како да изгради консензус за постигнување на целите на Федералните резерви за контролирање на инфлацијата и зголемување на вработеноста. Обама го повика Сенатот да ја потврди Јелен што е можно побрзо. ДПА забележува дека ако номинацијата биде одобрена, Јелен ќе биде првата жена која ќе ја предводи ФЕД, која ја има улогата на централната банка на САД. Јелен (67) во моментов е заменик претседател на Управата на федералните резерви. Истовремено, шефот на државата високо ја оцени работата на актулениот претседателот на ФЕД, Бен Барнанке, чиј мандат истекува кон крајот на јануари.