ФАКТОР НА ДЕНОТ: Во светот има реакции за нападот на САД врз Венецуела, Трамп откри кои се плановите
ЗЕМЈИТЕ РЕГИРААТ ЗА НАПАДОТ НА САД ВРЗ ВЕНЕЦУЕЛА
Кина бара САД веднаш да го ослободат венецуелскиот претседател Николас Мадуро, да ја решат ситуацијата преку дијалог, а не преку сила.
Во официјално соопштение објавено на веб-страницата на министерството, Пекинг изрази „сериозна загриженост“ поради акцијата на американските сили кои насилно ги приведоа претседателот Мадуро и неговата сопруга на 3 јануари и ги однесоа во САД.
Портпаролот на кинеското министерство рече дека чинот претставува јасно кршење на меѓународното право, основните норми на меѓународните односи и целите и принципите на Повелбата на Обединетите нации.Шпанија, Чиле, Колумбија, Бразил, Мексико и Уругвај, изразија загриженост за регионалната стабилност по американските воздушни напади и заробувањето на венецуелскиот претседател Николас Мадуро и неговата сопруга Силија Флорес, и нивното пренсување во во САД., каде што ќе се соочат со правдата по обвинение за наркотероризам.
МИЦКОСКИ И МИЛОШОСКИ ДАДОА СВОЈ СТАВ ЗА АКЦИЈАТА НА САД ВО ВЕНЕЦУЕЛА
Стоиме зад потезите и аргументите на нашиот стратешки партнер, САД, а меѓународното право се кршеше и на грбот на македонските граѓани, вели премиерот Христијан Мицкоски, за случувањата во Венецуела.
„Она што мене најмногу ме загрижува е громогласната тишина од истите тие европски и светски земји. Се случуваше во минатото кога меѓународното право се кршеше на грбот на македонските граѓани, и како тогаш сите тие оглувеа и никој од нив не го коментираше сето тоа. Како сега наеднаш сите тие коментираат дали било тоа меѓународно право или не било. Имајќи предвид дека познавам голем дел од тие што коментираат, а не се меѓународно-правни експерти“, рече премиерот.Пратеникот од ВМРО-ДПМНЕ, Антонио Милошоски на Фејсбук ја објасни позицијата на Македонија во однос на тоа што САД вчера го уапси венецуелскиот претседател Николас Мадуро.
САД НАГОВЕСТИЈА КАКВИ ПЛАНОВИ ИМААТ ВО ОДНОС НА НАФТАТА ВО ВЕНЕЦУЕЛА
Американскиот државен секретар Марко Рубио вели дека Вашингтон очекува политички промени во Венецуела и инсистира на строга примена на нафтените санкции.
Американски трупи нема да бидат стационирани во Венецуела сè додека потпретседателката на таа земја, Делси Родригез, соработува, изјави претседателот на САД, Доналд Трамп.
Рече дека Вашингтон не планира воени дејствија против Куба, бидејќи таа, како што рече, „ќе падне сама од себе“.Планот на американскиот претседател Доналд Трамп САД да ја преземат контролата врз венецуелската нафтена индустрија и да ги повикаат американските компании да учествуваат во нејзина обнова по апсењето на претседателот Николас Мадуро, најверојатно нема да има значително и непосредно влијание врз светските цени на нафтата, оценуваат аналитичари за Associated Press (AP).
Слично
Поврзани вести
