НАПАДИ ВО КИЕВ И ХАРКОВ, ИМА ЖРТВИ

Уништен e конзулатот на Словенија во украинскиот град Харков. 

Мати Масикас на Твитер објави видео на кое се гледа експлозија на зградата во која се наоѓа конзулатот. Конзулатот на Словенија е уништен во денешниот ракетен напад на руските сили на Плоштадот Слобода во Харков, објави на Твитер шефот на делегацијата на Европската унија во Украина, Мати Масикас. Во Харков имаше и цивилни жртви. Истото се случи и во Киев. 

Ракетиран е музејот на холокаустот во Киев, a украинскиот претседател Влодомир Зеленски вели историјата се повторува. 

Нови жртви има во Киев. 

Во главниот град на Украина, Киев луѓето очајно се обидуваат да се качат во преполн воз. Стари, млади, инвалиди, гледаат да спасат жива глава. 

УПАТЕНИ ПОВИЦИ ЗА СМИРУВАЊЕ НА ТЕНЗИИТЕ

Претседателот на Турција, Реџеп Таип Ердоган денеска ги повика Украина и Русија веднаш да престанат со борбите и да „придонесат за мирот во светот“. 

МАКЕДОНСКИ ДРЖАВЈАНИ УСПЕЛЕ ДА ЗАМИНАТ ОД ХАРКОВ

Семејството Спирковски, од градот Харков, кое беше во најтешка состојба, со новороденче кое има само неколку дена, во моментов е дел од посебен безбедносен коридор на повеќе од 100 километри од градот и е на пат да ја напушти Украина, информираше пред малку министерот за надворешни работи Бујар Османи. Тој утроворече дека  од 50 државјани кои с еостанати во Украина најтежок е случајот на ова семејство кое има толку мало бебенце. Добра вест е што сега овие луѓе се на безбедно.

НАФТАТА ПОСКАПУВА

И денеска расте цената на нафтата. 

На меѓународните пазари цените се искачија до 106 долари. 

Поминаа само 5 дена од руската инвазија на Украина, но војната веќе и го нанесе првиот сериозен удар на регионалната економија.

ЧИТАЈТЕ УШТЕ

Жителите на Делчево се отсечени, затоа што две години немаат автобуски превоз. Доколку имаат потреба да одат во соседните градови или во Скопје, мора да патуваат со такси, што за нив не е евтино. Ова многу им го отежнува секојдневието и бараат надлежните да им помогнат, и да најдат решение за проблемот.

На Клиниката за ортопедски болести при ТОАРИЛУЦ, два тима предводени од професор Милан Самарџиски завчера изведоа исклучително комплициран оперативен зафат кој траел речиси 8 часа на бенигнен агресивен тумор кај млада 27 годишна пациентка. Заслужен е 15-члениот „арсенал“ од доктори, медицински сетри, болничари, но како што вели во разговор за Фактор професорот Самарџиски, оваа операција би била невозможна без васкуларниот хирург д-р Никола Граматниковски.

Понизок економски раст, па и рецесија во некои земји ќе бидат неизбежен ефект од војната во Украина, прогнозираат аналитичарите. Централните банки не се сомневаат дека конфликтот ќе значи и негативен економски удар, но засега е неизвесно колкав ќе биде тој.

Владата на седницата му препорачала на операторот на електропреносен систем МЕПСО да се обрати до деловните банки и од нив да бара кредити за одржување на ликвидноста во текот на годината додека трае енергетската криза. 

Најголемата компанија за малопродажба на нафтени деривати имаше одлична година во која ги продаде акциите во ГА-МА и се раздолжи. Благодарение на тоа ги преполови каматите што ги плаќаше за своите заеми и успеа да прокнижи профит од 24 милиони евра во кои продажбата на акциите од ГА-МА учествува со 14 милиони евра