Претседателот на Европската комисија, Жозе Мануел Баросо побара итен прилив на готов капитал, за да не банкротира оваа институција. Мартин Шулц, претседателот на Европскиот парламент на почетокот на пленарната седницата во Стразбург потврдил дека Баросо контактирал со барање за дополнителни 2,7 милијарди евра во буџетот за 2013 година, со цел ЕК да ги исполни своите финансиски обврски. Баросо истакнал дека ЕК, доколку не добие дополнителни средства, ќе остане без пари “до средината на ноември“. Ваквите проблеми, според Баросо, потекнуваат од “помалиот прилив од царини“, а за новонастанатата ситуација се одговорни државите членки.