Доколку на крајот се утврди дека Мета го прекршила законот за конкуренција на ЕУ, Комисијата може да ѝ изрече финансиска казна. Казната не може да надмине 10 проценти од вкупниот промет во деловната година што претходи на прекршокот.

Европската комисија во вторник ѝ наложи на американската технолошка корпорација Мета да дозволи пристап до конкурентските развивачи на вештачка интелигенција (ВИ) на нејзината услуга за пораки WhatsApp, во исчекување на антимонополска истрага. 

„Бараме од Мета да дозволи пристап до WhatsApp за конкурентски асистенти за ВИ додека истражуваме дали наметнатите ограничувања се спротивни на правилата за конкуренција на ЕУ“, изјави извршната потпретседателка на Комисијата за чиста, фер и конкурентна транзиција, Тереза ​​Рибера.

Оваа привремена мерка беше преземена за да се спречи сериозна и непоправлива штета на конкуренцијата на растечкиот пазар на вештачка интелигенција. Комисијата прелиминарно утврди дека Мета ја злоупотребува својата доминантна позиција со тоа што ги спречува конкурентските асистенти за ВИ да го користат интерфејсот за програмирање на апликации WhatsApp for Business (API). Во октомври минатата година, Мета им забрани на асистентите за ВИ од трети страни да пристапуваат до апликацијата WhatsApp for Business, оставајќи им на корисниците да го користат само сопствениот асистент за ВИ на Мета.

Meta has been ordered by the European Union to temporarily halt policies that allegedly block rival AI firms from operating on its WhatsApp messaging service for businesses https://t.co/kZIO8w6KcO

— Bloomberg (@business) June 9, 2026

По предупредувањето на Комисијата, „Мета“ го промени својот пристап во март оваа година, дозволувајќи им на асистентите за вештачка интелигенција од трети страни да ја користат, но наплаќајќи за нивната употреба, што има сличен ефект како и претходната забрана. Комисијата вели дека „Мета“ мора да се придржува до нејзината наредба во рок од пет работни дена и да се придржува до неа додека не се заврши антимонополската истрага. Доколку на крајот се утврди дека „Мета“ го прекршила законот за конкуренција на ЕУ, Комисијата може да ѝ изрече финансиска казна. Казната не може да надмине 10 проценти од вкупниот промет во деловната година што му претходи на прекршокот.