Воените беспилотни летала развиени од Украина ќе се произведуваат во „индустриски количини“ во Германија, преку соработка на украинската компанија „Фронтлајн роботикс“ и германската „Квантум системс“.

Производството продолжува според наредбата на украинското Министерство за одбрана, објави „Квантум Фронтлајн Индастрис“.

Директорот на заедничката компанија, Матијас Лена, најави производство на десетици илјади дронови годишно.

„Тоа е „првата целосно автоматизирана производствена линија за дронови во Европа за украинските вооружени сили“, рече тој.

Линијата ќе произведува украински дронови тестирани во битка, Линца за логистика, Зум за извидување, како и ракетен фрлач или митралез Бурја со далечинско управување.

Соработката е дел од иницијативата на Киев „Гради со Украина“.

Украина се обидува да премести дел од своето производство на оружје во безбедни европски земји и на тој начин да го избегне ризикот од прекини поради руските напади.

foto printskrin youtube