Францускиот претседател Франсоа Оланд изјави дека Европа треба да го зајакне притисокот за изнаоѓање дипломатско решение на кризата во Сирија, а не да стои настрана, пренесе АП.

Францускиот претседател рече исто така дека Европа не треба да чека да биде избран нов претседател на САД подоцна оваа година, за да продолжи напред и да ја преземе својата одговорност во најголемите светски кризи.

Европа треба да присуствува на меѓународната сцена, рече Оланд по средбата со европските левичарски лидери одржана во француската престолнина.

Повикот на претседателот е упатен во пресрет на обновување на преговорите за Сирија во Женева во понеделник . Русија и САД доминираа со дипломатските дискусии за наоѓање излез од војната во блискоисточната земја во последните неколку недели и сега одржуваат нови средби на оваа тема.

Во неделата во Париз американскиот државен секретар Џон Кери ќе разговарал за Сирија, но и за Украина, Либија и Јемен со своите колеги од Франција, Германија, Италија, Велика Британија и со Федерика Могерини.

Зборовите на Оланд за поголемо учество на Европа на меѓународната сцена доаѓаат откако американскиот претседател Барак Обама ја критикуваше француската и европската политика во Либија во интервју за списанието „Атлантик“ и тоа ги налути некои политичари во Европа.