Сирискиот претседател Башар Асад вели дека инвазијата на Америка во Ирак ги поставила темелите за немирите во Сирија. Тој во едно интервју за руски медиуми ја обвини и западната пропаганда која го претставувала него како главен виновник за војната во Сирија. „Таа „пропаганда“ само ќе му донесе повеќе бегалци на Западот”- вели сирискиот претседател. Вели дека тоа предизвикува бегалците да бегаат од сириската влада која во медиумите е нарекувана ,,режим’’ иако тие бегале од терористите. Башар Асад зборуваше и за бегалската криза за која вели дека главниот проблем се терористите. „Европа со едно око плаче за бегалците, а со другото ги нишани со митралез.Ако сте загрижени за бегалците, престанете да ги поддржувате терористите. Тоа е она што ние го мислиме во врска со кризата. Ова е јадрото на целиот проблем со бегалците“ – изјави претседателот на Сирија.