Оваа недела на Пиринејскиот полуостров се очекуваат високи температури кои би надминале 45 степени. 

Овој екстремно топол бран може да донесе температура до 50 степени. 

Западна Шпанија и централна Португалија ќе бидат зафатени со многу топол бран. 

Шпанија ќе има максимум од 46, а Португалија од 49 степени. 

Во недела се очекува во Португалија живата во термометарот да се искачи и до 51 степен. 

Во Германија денеска е регистран најтопол ден во 2018 година со температура од 39,2 степена Целзиусови во градот Бернбург. Тоа е највисока температура откако се мерат температури во Саксонија-Анхалт. 

Луѓето се предупредени за опасност од пожари. Лани во Португалија во екот на жештините имаше пожари во кои загинаа 112 луѓе.