Најпопуларната приватна туристичка дестинација во Европа , забавниот парк Дизниленд во Париз , изгубил над еден милион посетители во 2013 година поради кризата , која ја крена цената на корисниците , соопшти денеска компанијата оператор на паркот Евро Дизни , пренесе агенцијата Франс прес . По 2012 година , кога интересот кон паркот се зголеми поради 20 -тата негова годишнина, посетеноста достигна рекордни 16 милиони посетители . Оваа година бројот е намален на 14,9 милиони до крајот на септември . Приходите на компанијата се намалени за 1,1 отсто до 1,31 милијарди евра. Намалувањето на чистата загуба на групата со 25 проценти за овој период се должи на рефинансирање на долгот , спроведено од американската компанија мајка на Волт Дизни . " 2013 година беше тешка за целиот сектор за туризам и забава во Европа " , објаснува извршниот директор Филип Гус . Евро Дизни забележа пад од 7% на посетеноста на двата тематски парка, Дизниленд и Волт Дизни студиото , а вработувањето во хотелите на компанијата е намалено за 4,7 процентни поени до 79.3 % . Падот на посетеноста се должи пред сè на француските клиенти , како и Шпанците и Италијанците . Британците , кои го заземаат второ место по посетеност на Дизниленд во Париз ( 14 проценти ) , по Французите (51 проценти ) биле повеќе , како и Германците.