Белгиската полиција доцна синоќа во Брисел ја уапси грчката социјалистка и пратеничка во Европскиот парламент Ева Каили (44), која е и една од потпретседателите на Европскиот парламент, јави АФП повикувајќи се на извор близок до случајот, пишува Дејли мејл.

Апсењето, поврзано со истрагата за корупција во која е вмешан домаќинот на Светското првенство Катар, уследи по приведувањето на четворица осомничени во текот на вчерашниот ден.

Како што се наведува, апсењето го вклучува и партнерот на Каили, Лука Висентини (53), кој е актуелен генерален секретар на Меѓународната конфедерација на синдикати ITUC.

Инаку, Каили била приведена на распит во полиција, додава изворот.

#Breaking: Just in - Reports that 4 politicians from the European union have been arrested for money laundering,Belgian police busted into 16 places in #Brussels today, and that vice president of the European parliament Eva Kaili has been arrested for fraud with ties in #Qatar. pic.twitter.com/RjNwwg0PtW

— Sotiri Dimpinoudis (@sotiridi) December 9, 2022

Сите четворица првично уапсени се италијански државјани или со италијанско потекло. Федералниот обвинител на Белгија ги објави претходните апсења откако беа откриени 600.000 евра во кеш кога полицијата изврши рација на 16 адреси во главниот град Брисел.

Обвинителите не го прецизираа идентитетот на осомничените или името на државата за која станува збор, велејќи само дека станува збор за држава „Залив“.

Но, извор близок до случајот ги потврди извештаите во печатот дека истрагата е фокусирана на сомнителни обиди на Катар да го корумпира италијанскиот социјалист кој беше пратеник во Европскиот парламент од 2004 до 2019 година.