Илјадници луѓе се евакуирани поради шумски пожар што беснее западно од националниот парк Јосемити во Калифорнија.

Шумскиот пожар се прошири во текот на ноќта поради високата температура на воздухот и сувата вегетација и сега е надвор од контрола.

Американските власти објавија дека таканаречениот „даб оган“ се заканува на околу 2.000 куќи и дека околу 3.000 луѓе се евакуирани.

Според достапните податоци, 6.000 луѓе добиле известувања за евакуација.

Во тек е истрага за причините за пожарот што избувна во петокот на 22 јули и уништи приближно 14.281 хектари земја.

- Се очекува температурата на воздухот денеска да се задржи висока со минимална влажност на воздухот меѓу пет и десет проценти, што дополнително ќе ги отежни напорите на пожарникарите - се вели во соопштението на противпожарната служба.

Во областа Марипоса е прогласена вонредна состојба, а гувернерот на Калифорнија Гевин Њусом вели дека високите температури и сувото време го поттикнуваат пожарот.

Поголемиот дел од САД е погоден од високи температури. Во Марипоса вчера беше измерена температура од 35 Целзиусови степени, а на тоа ниво се очекува да се задржи и во наредните денови.

Пожарот избувнал североисточно од националниот парк Јосемити, кој ги содржи најголемите и најстарите дрвја секвоја во светот.

Во американската сојузна држава Ајдахо двајца пожарникари загинаа кога нивниот хеликоптер се урнал додека гаснеле пожар во рурална област во близина на границата со Монтана.

ФОТО: ЕПА