Во одборите на над три четвртини од компаниите во Европската унија ( ЕУ ) има барем една жена , објави Bloomberg . Според информациите во 50% од компаниите претставничките на понежниот пол во управата се повеќе од една . Податоците се значително подобри во споредба со 2010- та , кога во управувањето само на 2 / 3 од фирмите учествуваа жени . Минатата недела Европскиот парламент ја одобри нацрт- директивата , која предвидува до 2020 година да биде воведен 40%  квота за жените во управните одбори на сите компании во Европската унија , кои се регистрирани на берзите . Документот е дел од стратегијата на Европската унија да се постигне еднаквост помеѓу жените и мажите . Според еврокомесарот Вивиен Рединг,  студии на многу економски организации и компании покажуваат дека жените на раководни позиции доведуваат до подобри финансиски резултати во компаниите .