Европската комисија го објави почетокот на итна хуманитарна иницијатива на Европската унија, за да можат организациите да помогнат на населението во вториот по големина сириски град Алепо, кој е под опсада делумно од силите на режимот, пренесе Франс прес.

ЕУ мобилизира 25 милиони евра итна помош за хуманитарните партнери, за да бидат покриени потребите од лекови и да се испратат вода и храна во Алепо, додава во соопштението шефицата на европската дипломатија Федерика Могерини и еврокомесарот за хуманитарни прашања, Христос Стилјанидис.

Иницијативата е покрената заедно со ОН, за да се спротивстави на „хуманитарната трагедија“, истакнуваат тие, повикувајќи „ги сите страни во конфликтот да ја поддржуваат и олеснуваат“.

Околу 250 000 жители во Алепо се соочуваат со „злосторства кои ниедно човечко суштество не би требало да ги толерира“, истакна шефот на хуманитарните операции на ОН, Стивен О'Брајан.

Могерини и Стилјанидис инсистираат исто така дека медицинското евакуирање не се однесува само на источниот дел на Алепо, туку за сите зони под опсада.