„Etihad“- националниот авиопревозник на Обединетите Арапски Емирати, реагираше на натписите во медиумите за потенцијалното купување на Croatia Airlines. Според портпаролот на  компанијата од Абу Даби нема никакви  преговори со „Croatia Airlines и медиумските наводи за потенцијалната заинтересираност за купување на хрватската авиокомпанија не се точни. Медиумите пренесоа дека „Etihad“ е еден од потенцијалните купувачи на 49 проценти од „Croatia Airlines“. Се очекува дека хрватската влада најдоцна до 15 октомври ќе распише тендер за продажба на дел од својот национален авиопревозник по системот на докапитализација или директна продажба на акции.