Вулканот Мерапи на островот Јава во Индонезија имаше две ерупции, исфрлил пепел во височина од 6 километри, поради што се затворени два аеродроми.

Пепелта која ерупцијата ја исфрлила од вулканот  привремено ги затворила Меѓународниот аеродром „Ахмад Јани“ во Семерангу на Јава , како и аеродромот „Аде Сумармо“ во Соло, соопштија официјалните власти.

Агенцијата за национални катастрофи на Индонезија информираше дека и понатаму важи предупредувањето за вулкански ерупции кое е на највисоко ниво. 

Првата ерупција на вулканот била забележана во 8-20 часот по локално време и траела две минута, а втората е забележена во вечерните часови.

Инаку вулканот Мерапи се наоѓа на 30 –тина километри од градот Јогјакарта.

Инаку во круг од 10 километри околу вулканот живеат околу 250 000 луѓе.