Тројца припадници на безбедносните сили се убиени во судирите во државата Синалоа по апсењето на синот на озлогласениот мексикански нарко бос Ел Чапо.

Овидио Гузман Лопез, кој вели дека е водач на поранешниот картел на неговиот татко, беше уапсен во Кулијакан и префрлен во Мексико Сити.

Гневните членови на банда поставија блокади на патиштата, запалија возила и нападнаа локалниот аеродром по неговото апсење, јавува Би-Би-Си.

Два авиони беа нападнати, еден додека се подготвуваше за полетување, додека повеќе од 100 летови беа откажани на три аеродроми во Синалоа.

Трупот на авионот кој требало да лета од Кулијакан до Мексико Сити бил погоден во четвртокот наутро додека се подготвувал за полетување, соопшти мексиканската авиокомпанија Аеромексико.

BREAKING: Passengers onboard an Aeromexico flight duck for cover after it was shot at in Culiacan, Mexico. At least one bullet hit the fuselage in the moments after El Chapo's son was captured. pic.twitter.com/HYPYDF58xX

— Sam Sweeney (@SweeneyABC) January 5, 2023

Ниту еден од патниците или екипажот не е повреден, додаваат од компанијата. На снимката објавена на социјалните мрежи се чини дека патниците се спуштаат и се наведнуваат на своите седишта.

Гувернерот на државата претходно изјави дека 18 лица биле примени во болницата.

На снимките на социјалните мрежи се гледа како запалени автобуси ги блокираат патиштата во Кулијакан.

Гузман Лопез, син на нарко босот Хоакин Ел Чапо Гузман, е обвинет дека водел фракција на озлогласениот картел на неговиот татко Синалоа, изјави министерот за одбрана Луис Кресенсио Сандовал.

Culiacan Mexico#OvidioGuzman pic.twitter.com/RSLGJWqcmq

— Javi (@Javiergg8509) January 5, 2023

Таа е една од најголемите организации за трговија со дрога во светот.