Откако Турција собори руски воен авион, претседателот Реџеп Таип Ердоган се обидува да ја смири ситуацијата.

Турскиот претседател убедува дека соборувањето на авионот не е провокација, објаснувајќи дека земјата само ја штитела својата безбедност.

„Турција секогаш сакала мир, дијалог, дипломатско решавање на проблемите и покрај сé ќе продолжиме по овој пат. Сепак, никој не може да се очекува од нас да го игнорираме нарушувањето на турскиот простор на границите и суверенитетот. Не сакаме ескалација на инцидентот, само сакаме да ја заштитиме својата безбедност и правата на нашите браќа Туркменистанци “- рече Ердоган и додаде дека политиката на Турција кон Сирија нема да се промени.

Претседателот тврди дека рускиот авион летал во воздушниот простор на Турција и неколкупати бил предупреден пред нападот.

Од друга страна пак, преживеаниот пилот демантира, и вели дека ниту биле во нивниот воздушен простор ниту пак имало било какво предупредување.

Рускиот претседател Владимир Путин овој инцидент го опиша како „забивање на нож во грб” и рече дека ќе има последици.