По уривањето на рускиот авион, односите меѓу Русија и Турција се заострени.

Турскиот претседател Реџеп Таип Ердоган го повика рускиот претседател на средба, но тој ја одби.

Претседателот Владимир Путин изјави дека нема да се сретне со Ердоган се додека државата не се извини за соборувањето на авионот.

Турскиот претседател ја предупреди Русија да не „си игра со оган“, но додаде дека не сака да им наштети на односите со Москва.

„Многу искрено ѝ препорачуваме на Русија да не си игра со оган. Нам односите со Русија ни се многу важни... Ние не сакаме тие односи да бидат оштетени на ниеден начин.“ – рече Ергодан.

Тој инсистира на средба “лице в лице” со рускиот претседател и рече дека шанса за тоа можеби е Самитот за климатските промени во Париз следната недела.