Ердоган повика на формирање независна палестинска држава со главен град Ерусалим
Можно е само едно решение за кризата во Палестина, вели турскиот претседател Реџеп Таип Ердоган.
Тој ја нагласи итната потреба од формирање независна палестинска држава со главен град Ерусалим и повика на воздржаност за да се избегне понатамошна ескалација на тензиите во регионот.
„Воспоставувањето независна и географски поврзана држава Палестина, заснована на границите од 1967 година, со Ерусалим како главен град, е неповратна потреба. Сепак, тековните напори за поделба на Ерусалим и во однос на време и простор резултираа со зголемен број за прекршување на Харам ал-Шариф (Планината на храмот). Турција постојано и гласно ги изразува своите приговори и реакции на ова прашање во секоја можна пригода. Никогаш не се двоумевме да ја кажеме вистината, дури и кога остатокот од светот молчеше“, изјави Ердоган.
Тој рече дека Турција се солидаризира со палестинските браќа и дека нема да преземе чекори кои дополнително ќе ја ескалираат ситуацијата.
Од саботата има судири во Израел меѓу Хамас и израелската армија. Има голем број убиени и киднапирани војници и цивили. Настрадаа и странски државјани.foto Facebook/ Recep Tayyip Erdoğan
Слично
Поврзани вести
