Документи од судската битка на Apple против Samsung во изминатата година покажуваат дека компанијата од Купертино платила 60 милиони долари на своите адвокати да го порази корејскиот производител , објави The Verge . Информацијата беше откриена откако Apple побара од Samsung да поврати дел од судските трошоци . Според судските регистри, американскиот технолошки гигант сака од конкурентот да плати една третина од трошоците што изнесува малку повеќе од 15,7 милиони долари . Ова е дополнителен износ плус 6.2 милиони трошоци поврзани со случајот , кои корејска компанија треба да ги покрие. Првично Apple назначи две правни фирми за случајот : Morrison & Foerster работеше по нападот во битката , а Wilmer Cutler Pickering Hale and Dorr ја покриваше заштитата против тврдењата на Samsung за прекршувања на негови патенти. Според документите WilmerHale дал потврда за 2 милиони долари , а Apple очекува од Morrison & Foerster сметка за 60 милиони , ѓто е намалена цена заради долгогодишните врски со Apple. Судијата Луси Кох треба да пресуди по барањето на компанијата од Купертино за адвокатските хонорари . Со оглед на нејзината претходна одлука во судската битка меѓу двата гиганти , не изгледа веројатно да е во корист на Apple . Samsung веќе е осуден да плати 900 милиони долари , па разликата е навредлива. Applе и Samsung се соочуваат со уште едно дело во наредната година и не се знае што ќе се случи.