На Тајланд, во провинцијата Самут Сакон, се гради електрана на биомаса со сила од 9,5 мегавати, која ќе работи на кокосов отпад, лушпи и лисја. Електраната ја гради компанијата ДП Кинтек, а новиот дизајн посебно е прилагоден за кокосов отпад, како би се обезбедила ефикасна потрошувачка на горива, како и флексибилност да се мешаат неколку видови на горива. Произведената струја, според пишувањата на магазинот "kWh" ќе се пренесува на јавната мрежа, а самата електрана ќе има корист од тајландските поттикнувачки фид-ин тарифи за биомаса. Електраната, исто така, ќе има и систем за чистење на издувните гасови, со цел нивната емисија да се сведе под предвидените стандарди. Преостанатата пепел ќе се користи како ѓубриво за одгледување или дополнителен материјал за изградба, а од проектот се очекуваат и нови работни места.   А.А.