Европскиот регулатор на лекови е во обид да ја намали спиралната загриженост за вакцината Оксфорд / АстраЗенека, велејќи дека придобивките од дозите ги надминуваат ризиците, откако четири големи земји на ЕУ објавија дека ја прекинуваат нејзината употреба.

Германија, Франција, Италија и Шпанија привремено ја запреа вакцинацијата со оваа вакцина вчера, по пријавените инциденти на крварење, згрутчување на крвта и низок број на тромбоцити во крвта кај некои луѓе кои добиле доза на АстраЗенека.

Европската агенција за лекови во изјавата рече дека „многу илјадници луѓе годишно развиваат згрутчување на крвта во ЕУ од различни причини“ и дека бројот на инциденти кај вакцинирани лица „се чини дека не е поголем од оној што се гледа кај општата популација“.

Се наведува дека ЕМА тесно соработува со AstraZeneca и националните регулатори на здравјето, вклучително и МХРА во Велика Британија, каде што 11 милиони луѓе ја добиле вакцината, за да ги анализираат сите достапни податоци и да утврдат дали вакцината може да придонесе за згрутчување.

МХРА, која собира извештаи за несакани ефекти врз лекови и вакцини во Велика Британија преку својата шема „жолт картон“, за Гардијан изјави дека има добиено повеќе известувања до 28 февруари за згрутчување на крвта на Фајзер/ Бионтек, отколку на Оксфорд / АстраЗенека вакцината - 38 наспроти 30 - иако ниту една не го надминува нивото што се очекува кај популацијата.

„Таквите извештаи не се докажани несакани ефекти на вакцината“, рече портпаролот. „Згрутчување на крвта може да се појави природно и не е невообичаено“.

Комитетот за безбедност на ЕМА ќе се состане денеска, а одлуката за каква било понатамошна акција ќе биде објавена во четврток, изјавуваат оттаму, додавајќи дека „во моментов остануваат на ставот дека придобивките од вакцината АстраЗенека во спречувањето на Ковид-19, со поврзаниот ризик хоспитализација и смрт, ги надминуваат ризиците од несакани ефекти .

Стравувајќи дека суспензиите може да доведат до тоа луѓето да одбијат да ја направат вакцината, Даунинг стрит рече дека дозата на АстраЗенека „останува и безбедена и ефикасна“. Официјалниот портпарол на Борис Џонсон рече дека нема „докази“ дека има поголема веројатност за појава на згрутчување на крвта по вакцинирањето.

Тоа во ијава го потврди и самиот Борис Џонсон. 

Извор. Гардијан