Невремето предизвика најголемо уништување во државата во последните години.

Десет лица загинаа, додека 21 лице се водат како исчезнати поради поплавите и лизгањето на земјиштето што оваа недела ја погодија бразилската држава Рио Гранде до Сул.

Според локалните медиуми, властите предупредуваат дека ситуацијата е критична и дека може да стане уште полоша. На прес-конференција одржана во средата, гувернерот на државата Едуардо Леите рече дека разговарал со претседателот Луис Инасион Лула да Силва и од него побарал секаква можна помош.

- Ова е најлошиот момент, катастрофа во нашата историја. Апсолутно е незамисливо вакво нешто сериозно да се случува. За жал, ќе биде уште полошо – рече гувернерот.

Rio Grande do Sul - Nível do Rio Taquari nesta noite passou pela primeira vez na história da marca de 30 metros. Supera as enchentes de 1941 e 2023. pic.twitter.com/sYRv9FgKqJ

— Maria P (@damadanoite14) May 2, 2024

Најголемото уништување во државата

Според гувернерот, невремето предизвикало најголемо уништување во државата во последните години, оставајќи неколку градови изолирани по уривањето на мостовите и уништените патишта поради поплави и лизгање на земјиштето.

Леите прогласи прекин на наставата низ целата земја до крајот на неделата и нагласи дека побарал од вооружените сили целосна поддршка за помош во овој момент, што според него е „слично на соочување со војна“.

Порастот на водостојот на реките и поплавите, кои зафатија 114 општини, доведоа до раселување на 3.400 луѓе по невремето.

Quem está no Rio Grande do Sul, se proteja. Fiquem em locar seguro. Tomo todos os cuidados possíveis. Por pouco não aconteceu uma tragédia, neste caso. pic.twitter.com/cy2TEwSf2m

— Tumulto BR (@TumultoBR) May 1, 2024

Во извештајот се наведува и дека поплавите ќе бидат сериозни во многу речни сливови, а можни се и поројни поплави.