Невидена суша има на европскиот континент. Речиси  две третини од Европа се во состојба на тревога за суша или предупредувања поради топлотните бранови и слабите врнежи од дожд. 47 проценти од Европа се во услови на предупредување, со недостиг на влага во почвата, а 17 отсто се во состојба на готовност бидејќи е зафатена и вегетацијата.

Европа можеби ја доживува најлошата суша во изминатиот најмалку половина милениум, објави денеска Европската комисија. 

„Сушата „се чини дека е најлоша во изминатите најмалку 500 години“, рече денеска портпаролот на Европската комисија Јоханес Барке, повикувајќи се на извештајот.

Приносите на пченка, соја и сончоглед ќе се намалат до 15 проценти.

Франција, Италија, Холандија, Шпанија се соочуваат со суши. Поради сушното време ќе поскапи и маслиновото масло. Жителите во делови од Франција вода добиваат од цистерни и во ограничени количини. 

Photo Sipa /Sébastien SALOM-GOMIS