Експлозијата одекна синоќа кај телефонска говорница во центарот на Прага, при што една девојка е полесно повредена. 

Повредената е на возраст од 16 години. 

Експлозијата е предизвикана од неправилно ракување со забавно пиротехничко средство, соопшти полицијата која трага по сторителите.

Чешкиот министер за внатрешни работи, Милан Хованец на социјалната мрежа Твитер напиша дека настанот не е терористички чин.

Во Чешка се воведени безбедносни мерки, по неодамнешниот терористички напад на божиќниот базар во Берлин, во кој загинаа 12 лица, а неколку десетици беа повредени.

Според Хованец, специјалните мерки за заштита на електраните или местата каде се собираат голем број луѓе, ќе останат да важат минимално до пролетта идната година.