Две експлозии одекнаа утрово во Брисел, при што најмалку 11 луѓе загинаа, а 20 се повредени на бриселскиот аеродром Завентем, пишуваат локалните медиуми.

Аеродромот ја прекина работата, откако изутринава беа регистрирани две експлозии, кои според Раша тудеј се случиле на терминалот за летовите на компанијата „Американ ерлајнс“.

„Бев во фри шопот и слушнав две многу силни експлозии. Почувствував како зградата се тресе. Имаше многу прашина и дим. Тргнав кон местото од каде што се слушна експлозијаата, луѓето излегуваа надвор. Изгледаа зашеметено и шокирано. Тука сите мислат дека станува збор за терористички напад, но се уште нема официјална потврда“- вели новинарот на Скај њуз, Алекс Роси кој бил таму.

Засега не се познати причините за експлозиите.