Најмалку пет лица загинаа, а 20 се повредени во ужасна несреќа што се случи во индонезиско село во источниот регион Папуа. Полицијата се сомнева дека причина за несреќата е активирање на експлозивна направа останата од Втората светска војна.

Силна експлозија одекнала под куќа изградена на потпорници, по што следела ужасна сцена. Според снимките објавени од локалниот медиум Компас ТВ, девет куќи биле целосно уништени во жестоката детонација.

Портпаролот на полицијата во Папуа, Кахјо Сукарнито, ги потврди сомневањата на истражителите за потеклото на експлозивната направа.

„Се сомнева дека изворот на експлозијата била бомба или минофрлач останат од Втората светска војна“, рече Сукарнито.

Ситуацијата на терен е сè уште тешка. Додека најмалку 19 лица се на болничко лекување поради полесни повреди, три лица официјално се водат како исчезнати. Спасувачките служби и полицијата продолжуваат да ги пребаруваат урнатините.

Оваа област на Индонезија има тешка историска позадина кога станува збор за неексплодирани муниција. За време на Втората светска војна, Индонезија беше едно од главните боишта.

Во оваа област се водеа жестоки борби откако јапонските сили ја окупираа територијата, а сојузничките сили потоа започнаа голема офанзива за да ја вратат контролата врз овој стратешки важен регион.