Вкупно 379.000 лица ја загубиле работата во јануари, а 76.000 од нив се жени.

Овие работници во мали и средни претпријатија во Турција ја загубиле работата во јануари, откако беше зголемена минималната плата во земјата. Ова го покажуваат податоците на Турската фондација за истражување на економската политика, објавени во „Хуриет". Во извештајот се наведува дека 78% од луѓето кои ја загубиле работата во првиот месец од годината, биле вработени во мали и средни претпријатија. Во јануари минималната плата во Турција беше зголемена од 1000 турски лири на 1300 фунти. Најмногу загуби на работни места се регистрирани во најразвиените делови на земјата. Во Истанбул 63.000 луѓе останале без работа. Десетици илјади се отпуштени и во Анкара, Измир и Анталија.

Зголемување на вработеноста во јануари е регистрирана само во еден од вкупно 81 окрузи во Турција - Ван, кој е еден од најсиромашните во земјата.

Но, и покрај сериозните проблеми за мали и средни бизниси, предизвикани од одлуката за зголемување на минималната плата, турската економија изгледа се наоѓа во добра форма.