Aвстриската престолнина повторно е број еден град за живот. 

Виена и оваа година е прогласена за најдобар град за живеење. Ова го покажува годишниот индекс кој го прави истражувачка компанија на весникот Економист.

Виена се гордее со богатството на музиката и уметноста, величенствената архитектура и единствените кафетерии.

Градовите се рангирани врз основа на 30 фактори ставени во пет категории – стабилност, грижа за здравјето, култура и природно опкружување, образование и инфраструктура.

Врз основа на нив, Виена е оценета со 99,1 од 100 можни поени, а зад нив следуваат Мелбурн, Сиднеј и Осака.

Помеѓу 140-те градови, кои се наоѓаат на листата, а врз основа на 30 фактори, најлош град за живот е Дамаск во Сирија.

Според овие информации, квалитетот за живот генерално е подобрен, иако загадувањето и политичките немири го намалуваат животниот стандард во поединечни метрополи.

Високата стапка на криминал и лошата инфраструктура ставиле некои големи градови како Лондон, Париз и Њујорк на пониско место на листата, и покрај добрите културни и кулинарски аспекти.

27 градови станале подобри места за живот, а 15 градови паднале на листата.

Најголем напредок постигнала престолнината на Порторико, Сан Хуан, која напредувала за 20 места и се искачил на 69. позиција.

Сиднеј е единствениот град кој влегол во првите 10 благодарение на напредокот во заштитата на животната средина.

фото Википедија