Германската полиција спречи напад на еколошки активисти врз приватниот авион на германскиот канцелар Фридрих Мерц во хангар во градот Арнсберг, соопшти канцеларијата на државниот обвинител.

„Полицијата спречи три лица да се обидат да го оштетат приватниот спортски авион на германскиот премиер во ноќта од среда кон четврток“, соопшти канцеларијата на државниот обвинител во Арнсберг, каде што се наоѓа приватната адреса на Фридрих Мерц.

Групата што ја презеде одговорноста за обидот за напад во соопштението наведе дека три лица, на возраст од 23, 28 и 56 години, влегле на аеродромот Арнсберг-Менден без дозвола, но дека полицијата спречила оштетување на авионот, кој се наоѓал во еден од хангарите.

Меѓу приведените активисти беше и познатата германска активистка за климатски промени Ања Виндл. По акцијата, групата „Отпор колектив“ издаде соопштение во кое ја презема одговорноста за обидот за напад.

Тие велат дека додека климатската криза ескалира, германскиот канцелар се вози во приватен авион.