Директорот на енергетските пазари во Европската комисија, Клаус Дитер Борхад, изјави во пленарната сала на Европскиот парламент дека сите билатерални договори за изградба на гасоводот "Јужен поток " , склучени меѓу Русија и Бугарија , Србија , Унгарија , Словенија , Хрватска и Австрија го нарушуваат европското законодавство и треба да бидат предоговорени. Зборовите му се цитирани од сајтот EuroAktiv, пренесуваат бугарските медиуми. Борхард рекол уште дека Еврокомисијата ги разгледала меѓувладините договори и стигнала до заклучок дека ниту еден од нив не е во согласност со европските закони. EuroAktiv коментира дека изјавата на Борхард доаѓа во чувствителен момент за односите меѓу Европската комисија и Русија, поради одбивањето на Украина да потпише договор за асоцијација со ЕУ . По тој повод, европратеникот Илија Јотов изјави дека тоа е сосема свежа вест и треба да се прегледаат внимателно основите на Европската комисија. " Ако станува збор за Третиот енергетски пакет за либерализација на пазарот , треба да се види каде точно е повредата " , истакна Јотов . Според Борхард, сепак, преговорите за изградба на гасоводот треба да започнат буквално од нула . Руското Министерство за енергија веќе е упатено за случајот. Еврокомесарот за енергија Гинтер Јотингер испратил специјално писмо во Москва .