По повеќе од 24 часа од уништувањето на браната Нова Каховка, последиците се уште се видливи. Огромното Кахово Езеро продолжува да се празни, со што надојдените води се влеваат кон Црното Море.

Сателитските снимки покажуваат големи поплави на двете страни на реката Дњепар, особено во ниските области на југ, на територијата која сè уште е контролирана од Русија. Во некои заедници водите од поплавите се зголемија толку високо ниво што луѓето беа принудени да ја поминат ноќта на своите покриви и седејќи на дрвја, чекајќи да бидат спасени, јавува Би-Би-Си.

Во Херсон, единствениот голем град погоден од катастрофата, поплавите се исто толку акутни, што населби блиску до реката сега практично под вода. Спасувачките операции продолжуваат, забавени поради честите гранатирања од руските позиции од другата страна на реката.

Video showing the flooding and devastation in Russian-occupied Oleshky, Kherson oblast, a day after the Kakhovka Dam under Russian forces’ control was destroyed. pic.twitter.com/k6ys9rnjij

— Christopher Miller (@ChristopherJM) June 7, 2023

На социјалните мрежи се прошири видео кое според тврдењата на новинари и украински функционери го прикажува поплавениот град Олешки на левиот брег на реката Днепар.

Олешки се наоѓа во делот на Херсонската област што е под руска окупација и, очигледно, е целосно поплавен откако во ноќта меѓу понеделникот кон вторникот беше уништена важната брана Нова Каховка.

ФОТО: Twitter