Околу три илјади здравствени работници кои не се вакцинирани, беа суспендирани во Франција, потврди министерот за здравство Оливие Веран.

Ова следува еден ден откако таа држава ја направи вакцинацијата задолжителна за сите здравствени работници, како и за персонал во домови за стари и изнемоштени лица.

Владата на претседателот Емануел Макрон воведе правило за зголемување на употребата на вакцинацијата и спречување на нов бран на инфекцијата наесен, што може да го загрози економското закрепнување на Франција.

„Повеќето суспензии се само привремени. Многумина од нив одлучија да се вакцинираат бидејќи гледаат дека обврската за вакцинација е реалност“, изјави Веран за француското радио РТЛ.

Според локалниот весник Ница Матин, речиси 450 здравствени работници се суспендирани во болница во јужниот град Ница.