ЕДЕН ЧОВЕК ПОЧИНА, НЕКОЛКУ СЕ ВО ТЕШКА СОСТОЈБА: Топлотен бран ги зафати Кипар, Грција и Турција
Во Грција, Турција и Кипар температурите се искачија и до 45 степени Целзиусови.
Лице на возраст од 84 години почина од топлотен удар на Кипар. Веста ја потврди портпаролот на Државната здравствена организација на Кипар, Хараламбос Шарилау.
Тој додаде дека тројца постари пациенти се во тешка состојба поради топлотниот бран.
Грција мораше да го затвори својот познат Акропол за туристи оваа недела, бидејќи се подготвуваше за топлотен бран од 43 степени Целзиусови.Грција им понуди бесплатен одмор на Родос на туристите кои мораа да спијат на подовите на аеродромот додека чекаа да бидат евакуирани.
Уште повисоки температури има на островот Крит од 44,5 степени и на полуостровот Пелопонез 43,9 степени. Екстремно топлото време е предизвикано од јужните ветрови кои влечат топол воздух и прашина северно од Северна Африка. Претходните лета имаше и катастрофални пожари во повеќе држави.
foto freepik.com
Слично
Поврзани вести
